Bait Bazee

[shaikh]

Bhaimiya mulaheza ho ...on the recent Iraqi situation... apni hasti habaab ki si hai / ye numaish saraab ki si hai... meer

[\"BM\"]

Yeh tapti chand ki kirney aur jalti barsatein thee, Kya janey woh kesey din they kesi ratein thee, Mein khudbeen wa khudaar tha \' aawara bhi tha, Merey andher apney ahad ki saari batein thee.

[Radha]

BM, bahut khoob,

RaateiN haiN udaas, din kaRe haiN
Aey dil tere haosale baRe haiN

Aey yaad-e-habeeb saath deyna,
Kuch marhale saKHt aa paRe haiN,

Rokna ho agar , to sao(100) bahaane,
Chalna ho to raaste baRe haiN,

Ab kaisey bataayeiN wajh-e-Gerya,
Jab aap bhi saath ro paRe haiN,

[\"BM\"]

Napaak hawaon ney sher angezi ki, Sir sabz zameeno pey jo khun rezi ki, Us arz baharran ko banaya banjer, Duniya mein thi dhoom jis ki zerkhezi ki.

[Humdam]

Haan vo naheen khuda parast, jaao vo bewafaa sahee
jisko ho deen-o-dil azeez us ki galee main jaaye kiyoun

[Shayer-E-Mashriq]

Na ji bher key dekha, na baat ki, BhaRhi aarzoo thi mulaqat ki.

[Humdam]

Kisi bewafa ki khaatir ye junoon faraaz kab tak, Jo tumhein bhulaa chukaa hai usey tum bhi bhool jaao

[wah.wah]

so jaana chahata hun uski zulfon ki saayen mein, par kaya karoo zalim, uske zulfen hai itne kam !

[Humdam]

Kaam aa saki na apni vafaayein to kyaa karein - Ik be wafaa ko bhool na jayein to kyaa karein.

[\"BM\"]

Nafrat ki hawa bun mein chalayi kis ney, Jal utthi zameen aag lagayi kis ney, Utthi hein jahaan ki ungliyaan kis ki taraf, Yahaan jeed key haari hey laRhi kis ney.

[Humdam]

Nigaahein muntazir hadd e nazar viraaniyan kiyoun hain - Zaroori to nahin har janeywaala lout kar aaey

[\"BM\"]

Yeh sukoon pakey aur bey sukoon ho chala hey dil, Kabhi yahaan jo halki halki si kasak thi kya huwi

[Humdam]

Yaa rab! Gham-e-hijraan mein itanaa to kiyaa hotaa,
Jo haath jigar pe hai vo dast-e-duaa hotaa --


Ek ishq ka Gham aafat aur us pe ye dil aafat,
Yaa Gam na diyaa hotaa ya dil na diya hotaa.

[rhamtumiyan]

aa ki merii jaan me.n qaraar nahii.n hai
taaqat-e-bedaad-e-intazaar nahii.n hai

dete hai.n jannat hayaat-e-dahar ke badale
nashshaa baa_andaazaa-e-Khumaar nahii.n hai

giriyaa nikaale hai terii bazm se mujh ko
haaye! ki rone pe iKhtiyaar nahii.n hai

ham se abas hai gumaan-e-ranjish-e-Khaatir
Khaak me.n ushshaq kii Gubaar nahii.n hai

dil se uThaa lutf-e-jalvaa haaye ma_anii
Gair-e-gul aa_iinaa-e-bahaar nahii.n hai

qatl kaa mere kiyaa hai ahad to baare
vaaye! agar ahad ustavaar nahii.n hai

tuu ne qasam mai_kashii kii khaa_ii hai 'Ghalib'
terii qasam ka kuchh aitabaar nahii.n hai

[Mohammed.]

ek lafz-e-mohabbat adna ye fasana hai,
simte to dil-e-aashiq faile to zamana hai.

hum ishq ke maaron ka itna hi fasana hai,
rone ko nahi koi,hasne ko zamana hai.

wo aur wafa dushman manenge na mana hai,
sab dil ki shararat hai aankhon ka bahana hai.

kya husn ne samjha hai,kya ishq ne jana hai,
hum khaak naseenon ki thokar me zamana hai.

eh ishq junoo pesha haan ishq-e-junoo pesha,
aaj ek sitamgar ko hans-hans ke rulana hai.

ye ishq nahi aasaa.n itna samajh lije,
ek aag ka dariya hai aur doob ke jana hai.

aansu to bahut se hain aankhon me"zigar" lekin,
bindh jaye so moti hai,reh jaye so dana hai.