EK Nazm -- Main kyun deewana huwa yeh tujhey maloom nahiN

[Bhirr Ustaad]

Mehfil ki Qidamt mein Aadab, ek nayi nazm likhney ki koshish ki hai.....kaisi lagi bataiyey zaroor

<br>
*********************************************** <br>

Din ki is dhoop meiN chaati ho to badal ki tarha<br>
Raat ki aankhoun meiN aati ho to kaajal ki tarha<br>..<br>

Muskuraati ho kabhi jhaank key phooloun sey tum<br>
gudgudaati bhi mujhey saaNs ke jhooloun sey tum<br>
ya chanak jaati ho khamoshi mein paayal ki tarha <br>..<br>

Zulf ko khul key to chehrey pe bikhar jaaney dey<br>
merii is zeest ka unwaan saNwar jaaney dey <br>
HaaN behek jaane de khud ko zara aanchal ki tarha<br>..<br>

Paay-e-Sarkash ko jalaata hua sehraa teraa <br>
Uspey daanaa-i sey uljha huwa chehraa teraa<br>
Hai samajhdaari teri Ishq meiN Haayal ki tarha <br>..<br>

Kabsey dhundhli si ek aas liye phirtaa hooN<br>
tishnaa hotouN meiN terii pyaas liye phirtaa hooN<br>
aaa ,key marjaaoN naa Bebas kisi bekal ki tarha<br>..<br>

Main kyun deewana huwa yeh tujhey maloom nahiN<br>
Hogaa maloom nahiN jo tujhey maloom nahiN......<br>
...... Khud ko chaaheygi na gar tootkey paagal ki tarha<br>..<br>

[afz]

jawab nahin bhir ustaad.

[Bhaimiya]

Bhirr Ustaad ab samaj mein aaya itney dino sey aap board sey kyon ghayeb the. Kya khasam khaliye the nazam puree karkey board per jawonga. Arey bhai begar nazam key bhee kamazkam ek baar board peh jhank lo. Wesey nazam hey bahut khoob.

[Bhirr Ustaad]

Shukriya Bhaimiya aapki Hausla afzahi ka behad maskoor-o-mamnoon hoon, Wasiey nazm jab khayaal ki galiyoun se bhataktey huwey kaghaz par aati hai to yeh silsila bas aadhey ek ghantey ki baat hoti hai naakey kuch zyaada. board par naa aney ki wajeh kuch gardish-e-rozgaar rahi...khair Alhamdulilah apni sunaiyey kaisi guzar rahi hai...?maa-baqi sab Khair..alhamdulillah<br>--Niyaazmand

[Bhirr Ustaad]

Assalamalikum, Shukriya Afzal Bhai aapko Nazm pasand aayi, khushi hui.

[Kulcha Hyderabadi]

Bahut Khoob Ustaad. Shandaar nazm hai. Jeetey raho. Agli ka intezaar bechaini se rahega.

[khajabi]

kia baat hai mama, bhoot khoob, magar ek baat bataoun, itte nazama, sher\'aan likhdiye, agar ye wakhai aap ke hai to zara uttha ke rakho, ek behtareen book ban sakti, waise aap siasat aur munsif se bhi contact kar sakte, chapne ke liye, aamdani ki aamdani, phir pehchan alag. Magar phir bolroun, takhaloz badal lo...

[Bhirr Ustaad]

Salam khajabi,

Aapki zarra nawaazi ka shukriyaa, waise jo bhi likhroun mai thodi bhot hifazat karleroun, aur yeh ke abhi takhallus yehan par board par bhirr ustaad ich rehne do, sahiri ke wastey kuch au rakhlingey, ab kya mereku bhi padey likhoun ke waisa naa rakhlo boltey kya----jaisa key <br>\" Khaasim jaan from Chilkalgudaa ---- remember !!!\"...LOL

[Bhirr Ustaad]

Shukriyaa Kulcha Bhai.....aapku pasand aagyi to pass hogai samjho nazm

[Radha]

Bhirr Ustaad, Bahut khub kaha,\"Din ki is dhoop meiN chaati ho to badal ki tarha
Raat ki aankhoun meiN aati ho to kaajal ki tarha\"

Woh is tarah se pyaar ke saboot maangtey hain,
Main jitna pass aati hoon vo door bhaagtey hain.

Kabhi thama mujhko kabhi kheencha apna daaman,
Koi jaakey unsey poochey vo kya chahtey hain.

Jordney ke fan mein maahir vo is tarah huye,
Roz tukrdey tukrdey mein mujhko baantey hain.

Sar-e-shaam meri hasti mita kar rahengey,
Ye maqsad lekar din raat jaagtey hain.

Mere dard-e-zakhm ka karkey vo khyaal,
Ahista ahista khanzar jigar mein utaartey hain.

[hina]

Bhirr bhai, aap bhoth accha likhtay magar hamari urdu itti acchi nai hai dekho aap magar aap agar aaisich likhtay rahay to hum bi kuch sikh jaiingay.I really enjoy your poems.

[Bhirr Ustaad]

Salamalikum Hina Aapa, NAzm pasand farmaaney ka shukriyaa aainda koshish karoonga ke agar koi mushkil lafz ho to uska matlab english mein bhi darj kardoon...........DuaouN ki darkhwaast