jo khayal the na qayas the vohi log mujh se bichhad gaye//
jo mohabbaton ke asas the vohi log mujh se bichhad gaye.....
jinhain manta hi nahin ye dil, vohi log mere hain hamsafar//
mujhe har tarha se jo raas the, vohi log mujh se bichhad gaye.....
mujhe lamha bhar ki rafaqaton, ke surab aur satayenge//
meri umr bhar ki jo payas the vohi log mujh se bichhadgaye.....
ye khayal sare hain aarzi, ye gulab sare hain kaghzi//
gule arzoo ki jo baas thi vohi log mujh se bichhad gaye.....
jinhain karsaka na qubool main, voh shareke rahe safar huey//
jo meri talab, meri aas the vohi log mujh se bichhad gaye.....
meri dhadkanon ke qareeb the, meri chah the, mera khwab the//
voh jo roz v shab mere paas the vohi log mujh se bichhad gaye....
by
Itebar Sajid