Shayari

by **Baqtiar** » Sat Aug 30, 2003 2:57 pm

Yaar Kulcha, isliye tou mein ne kaha tha: Ke baat nikley gi tou bahut dooor talak jayegi Ye baat hi hai jo falak tak jayegi Baat se baat hoti hai aur phir mulakhat hoti hai

by **Radha** » Sat Aug 30, 2003 11:44 pm

Kulcha bhai, humdum aur Baqtair ki nazar. Ponch kar ashak apney ankhon say muskurao toh koi baat banay, Sir jhukaanay say kuch nahin hota sir uthaao toh koi baat banay, Zindagi bheek main nahin miltee zindagi barh kay cheenee jaatee hai, Apna haq sang dil zamanay say cheeen pao to koi baat banay, Rang aur nasal, zaat aur mazhab jo bhi hay aadmee say kum ter hai, Es haqeeqat ko tum bhi meree tarha maan jao to koi baat banay, Nafraton kay jahan main hum ko pyar ki bastiyaan basaanee hain, Duur rehna koi kamal nahin, paas aao to koi baat banay.

by **Kulcha Hyderabadi** » Sun Aug 31, 2003 9:17 am

Allama Iqbal ke ash\'aar, sabhi sathiyon ki nazar: Baatil se darney waley ai aasmaan nahin hain ham Sau baar kar chuka hai tu imtehaan hamara Mazhab nahin sikhata aapas mein bayr rakhna Hindi hain ham watan hai saraa jahan hamaara

by **shaikh** » Sun Aug 31, 2003 12:11 pm

Bohot khoob Radha! Magar mai kya Kara bhai, aap sob ku nazar kare, mere ku ignor kar diye, khair mai itna regular bi nahi hoon waiyse. I am a fan of Iqbal but I dont remember many of his asha\'ar. If anyone can help me... Masjid toh banali pal bhar mein Imaan ki hararat walon ne Man apna puranaa paapi hai Barsaon mein namaazi ban naa sakaa. Then is something like. Tu naamo nasab ka hijaazi hai Par dil ka hijaazi ban naa sakaa...

by **Baqtiar** » Sun Aug 31, 2003 2:08 pm

Wah wah wah. Kya baat hai Radha... Paas aney ko bahana chahiye Batkey musafir ko thikana chahiye Kahne ko tou sara jag hamara hai Lekin koi humdum koi dilbaar chahiye

by **shaikh** » Sun Aug 31, 2003 2:34 pm

Waqaee (really) Radha ki nazm mein bhot jaan hai. Agar hamara desh isska ek sh\'er bhi follow karinga Toh koyee baat bane, balke saari baat ban jayegi.

by **Kulcha Hyderabadi** » Sun Aug 31, 2003 4:53 pm

Great lyrics by, I guess, Rajinder Krishan, for the film \"Naya Raasta\". Music scored by N. Dutta, and Mohammad Rafi did a fabulous job of singing it. The film starred Jeetendra and Asha Parekh, a story about a rich Zamindar (Jeetendra) falling in love with a Dalit girl (Asha Parekh) ...and when she\s depressed and scared about the love affair.. Jeetu baba sings this song. Poch Kar Ashk Apney Aankhon Se... Chaman cafe mein hai bhyee yeh record 35 paise deke sunna hoga aaj jaakey! Aao Shiekh tum bhi, dono milkey maaringe aadi pyali chai aur ek ek four square. Paan to free mein hai naa!

by **shaikh** » Sun Aug 31, 2003 5:13 pm

Shukriya Kulcha bhai, bohot shukriya. Waiyse apni baithak Anwar cafe pe rahti bhai. Nayaab say leke Pista House tak apni hawa hai dekho. Aap nayaab pe ajjaaiye aapki pasadida (dish) biryani haazir kartoun mai. Zafar wafar sob apne yaar log hai.

by **Kulcha Hyderabadi** » Sun Aug 31, 2003 5:55 pm

Shukriyah Sheikh bhai, aaongaa, zaroor aaonga aur apki hawa bhi dekhunga! Aapke zouq ko madde-nazar rakhtey huve, Allama Iqbal ke chand ash\'aar post kar raha hoon. Ek sabakh hai ham sab ke liye. Dhoondne wala sitaron ki guzar gahon ka Apney ufkaar ki duniya mein safar kar na saka Jis ne suraj ki shu\'aaon ko giraftaar kiya Zindagi ki shab tareek sahar kar na saka Ek aur... Qateel Shifai sahab ka... mera pasandeeda shayr hai yeh Mar gaye ham to yeh katbey pey likha jayega So gaye aap zamaaney ko jagaaney waley!!!

by **shaikh** » Sun Aug 31, 2003 8:29 pm

By the way, it is truly amazing for me to see what Iqbal has said (commented) 50-60 years ago about Arabs (Arab-brothers) in \"tu dil ka hijaazi ban naa saka\". It\'s amazing that it is coming true, and we are seeing history written before our eyes.! I am out of here.

by **Kulcha Hyderabadi** » Mon Sep 01, 2003 1:25 pm

Even about the Afghans what he wrote is amazing. Mousam accha, paani waafir, mitti bhi zarkhez Jis ne apna kheth na seencha wo kaisa dahkhaan Apni khudi pahchaan, o ghafil Afghan! Teri be ilmee ne rakh li be ilmon ki laaj Aalim faazil bech rahein hain apna deen eemaan Apni khudi pahchaan, o ghafil Afghan!

by **Humdam** » Mon Sep 01, 2003 3:00 pm

Kabhi main sare sajdah huwa kabhi To zameen se ane lagi sada Tera dil to hai sanam aashnaa Tujhe kya milega namaaz main

by **Radha** » Mon Sep 01, 2003 9:54 pm

Humdam, aap ke liye. Pairaahan-e-kub\'r chaak ho jaata hai Nafas-e-sar-kash halaak ho jaata hai Muslim ke liye ajab nai\'mat hai namaaz Sir qhaak mein rakh ke paak ho jaata hai

by **Humdam** » Tue Sep 02, 2003 12:29 am

Bahot khoob \"Radhaji\". Bahot umda ashaar likhti hain aap. Guzishta shaaeri board main bhi app ke ashaar qabil-e-daad they aur is board main bhi Keep it up

\"MAJID DEOBANDI\" Ham hindustaan ki maati hain Jo chaahe zamaanaa kuchh bhi kahe Ham yuun chamakte jaayenge Hamsafron ne barbaad kiyaa Raston ne phir yaad kiyaa Aur manzil ne aabaad kiyaa Ham maanavta ke raahi hain BhaTke to sambhalte jaayenge Amn kaa jo paiGaam sunaane vaale hain Galiyon galiyon aag lagaane vaale hain Tum le jaao nezaa Khanjar aur talvaar Ham maqtal mein sar le jaane vaale hain Zulm ke kaale baadal se Darnaa kaisaa Ye mausam to aane jaane vaale hain Bimaaron kaa ab to Khudaa hi haafiz hai Saare masihaa zaher pilaane vaale hain Jaan bachaane vaale to sab hain lekin Ab kitne imaan bachaane vaale hain Ham ko un valiyon ki nisbat haasil hai Dasht ko jo gulzaar banaane vaale hain Bhukaa rah ke saahil ko khairaat jo de Ham bhi \'Majid\' usi gharaane vaale hain

by **Kulcha Hyderabadi** » Tue Sep 02, 2003 5:10 pm

Bahadur Shah Zafar... Na thee haal ki jab hamey apney khabar, rahe dekhtey auron ke aib o hunar Padi apni buraiyon par jab nazar, to nigah mein koyee bura na raha!

by **shaikh** » Tue Sep 02, 2003 6:08 pm

Bohot khoob, Radha-ji. Kiya kehne hai aapke. Qaabile taareef. Bohot acchha sher hai, shukriya. Magar pehle sher ka matlab mai nahin samjha theek say.

by **Humdam** » Tue Sep 02, 2003 8:27 pm

Janaab kulcha bhai, \"Bahadur Shah Zafar\" ki umda ghazal aap ki nazar. Na kisi ki aankh ka noor hoon Na kisi ke dil ka qaraar hoon Jo kisi ke kaam na aa sake Main vo eik musht-e-Gubaar hoon Na to main kisi ka habeeb hoon Na to main kisi ka raqeeb hoon Jo bigad gayaa vo naseeb hoon Jo ujad gayaa vo dayaar hoon Mera rang-roop bigad gayaa Mera yaar mujh se bichhad gayaa Jo chaman fizaan mein ujad gayaa Main usi ki fasl-e-bahaar hoon Paye faatehaa koi aaye kyoun Koi chaar phool chaDaaye kyoun Koi aake shamma jalaaye kyoun Main vo bekasi kaa mazaar kyoun Main nahin hoon naGmaa-e-jaan_fishaan Mujhe sun ke koi karega kyaa Main baDe barog ki hoon sadaa Main baDe dukh ki pukaar hoon

by **Radha** » Thu Sep 04, 2003 9:06 pm

Shukriya Shaikh saheb, Pairhan = dress Kub\'r = arrogance Naf\'s = soul/self, Sar-kash = disobedient Mere khayal sey ab koi parishani nahi hogi. Lazzat-e-sajdah-e-sang-e-dar kya kahein Hosh hi kab raha sar jukhaney key baad Kya hua har hasrath agar chin gayi Aadmi ban gaya gham uthaaney key baad

by **Radha** » Thu Sep 04, 2003 9:12 pm

Kulcha bhai, Janab Iqbal ka ek sher yaad aaraha hai Aaj bhi ho gar Ibraahim ka sa imaan paida Aag kar sakti hai andaaz-e-gulistan paida

by **Kulcha Hyderabadi** » Fri Sep 05, 2003 1:28 am

Kuch meri yaadasth se bhi... Kaha mujh se mujahid-e-turki ne baad-e-namaaz Is qadr taweel sajda hain kyoon tumharey imaam Qoum kya cheez hai aur qoumon ki imaamat kya hai Isko kya samjhenge yeh becharey do rak\'aat ke imaam

by **shaikh** » Fri Sep 05, 2003 9:32 pm

Bohot bohot shukriya Radha. Aapki inayat kaa, hamaray alfaaz angrezi may likhnay ki wajhe say zara faraq padjata hai (i think). Aapka sher \'payrahane kubr chaak hojata hai\' beautiful hai. Iss tarha ka ek khulasaa mai hazrat shaikh zakariya (a.rah) ka dekha huwa hun ek kitaab mein. Few important things... Apna board \'shayari\' kaafi ful hogaya hai, aur khulna impossible hogaya hai. I think we should start a new one like \'shayari II\' Beher haal, Radha aur Kulchay ka bohot bohot shukriya, aur sab doosray bhi saathiyon ko aadab aur salaam arz... Ijaazat.

by **Humdam** » Sat Sep 06, 2003 4:10 pm

Radhaji, aap ke liye. Namaaz sar jukhane se bhi adaa ho jaati hai Dil ka jhukna bhi zaroori hai ebaadat ke liye

by **shaikh** » Sat Sep 06, 2003 7:32 pm

Kulcha bhai and Radha I think this is a record breaking board \'shayari\' that has crossed 100 in just two weeks. But, it is hard to open now. Something needs to be done...

Who is online