Pehli baar is bazm mey kuch post kar raha hoon,, Actually abhi iss site to tafseel sey check karne ka mauka mila....
khair phir baat hooti hai.......
abhi recently Dubai ke aik Mushaire mey Ahmed Faraaz sahab ne ye ghazal pesh ki.. umeed ke pasand aayegi.........
But i dont know is this the right place to post this ghazal..........???
Tumhein hai apne sitam ka malaal waise hi
Hamare dosh pe sar tha wabaal waise hi
Chala tha ziker zamane ki bewafai ka
So aa gaya hai tumhara khayaal waise hi
Hum aa gaye hain tah-e-daam to naseeb apna
Wagarna us ne to phenka tha jaal waise hi
Main rookna hi nahin chahta tha waar us ka
Giri nahin mere haathon se dhaal waise hi
Zamana hum se bhala dushmani to kya rakhta
So kar gaya hai hamain payemaal waise hi
Humain bhi shauq na tha dastaan sunane ka
"Faraz" us ne bhi poocha tha haal waise hi
Dua Gou..............