Adaab HaazreeN-e-mehfil, yun toh main yahaan par kuch maheene puraana member hoon magar waqt na hone ki wajah seh yeh mera doosra post hain yahaan. hum bhi hyderabadi he hain. ummeed hain pasand aayegaa.
Usko bohot gham miley hain duniya mein ki usey khushi seh dar ho gaya hain, main duniya koh samjhaaney nikalaa hoon magar kitno koh samjhaa sakhta hoon?
duniya ka har gham-o-sitam uski taqdeer mein,
usey kya kahe, dam he nahi meri tadbeer mein,
tadbeer=advice
zillat be_rukhi be_muravvat ka woh hua shikaar,
har raah chalney ki taakat hain nahi ajeer mein,
ajeer= musaafir
zanjeeroN mein rakha hain ghaibaan mein usey,
kya koi farq hain bataao usme aur aseer mein,
aseer= prisoner
khiraadoN ki bazm mein usey daavat nahi miley,
usey koi muzda sunaaye dam nahi basheer mein,
muzda= good news, basheer= messenger of good news
ummeed woh karey bhi kisi seh toh bataao kaise,
Ho khushi likhi he nahi jab haaton ki lakeer mein,
ahal-e-aalam ke dil mein muravvat laaye hum,
"Saqib" dum itna bhi nahi apni taehreer mein.
Ahal-e-aalam=people belonging to this world
taehreer= writing
Saqib Ahsan "Saqib"