Asak,
sabse pehley to aap sab bhaiyo ko mera salaam arz hai.
Yeh mehfil mazahiya shayari ki hai aur aap sab ko bhi ijazat hai ke apne apne phate purane sher suna sakte hai.
to mai pehla sher arz karta hu....
bhai pehley cigarette aur chai to mangao
sabse pehley shaadi pe kyunki aaj kal shaadiyo ka season chal raha hai.
Shaadi ke liay doston, larkiyan hazaaron hain
Har khirki mein hai larki, aur khirkiyan hazaron hain
Koi to mile gi larki khaandan mein humein
Phuppiyan hain beshumar, chachiyaan hazaaron hain
Likha jo tum ne Love Letter to kiya hua janab
Humari draaz mein is jaisi, chithiyaan hazaaron hain
Aik tumhi nahi akaili, mere jaal mein phansney wali
Is jaal mein tum jaisi, machliyaan hazaaron hain
Diay thay pehle bhi Ishq ke imtehaan bohat
Hathon mein is baar bhi, parchiyaan hazaron hain
Wo Parwaney nahin jo Shama pe mar jaayen gay
Hamare ghar mein pehle hi, battiyaan hazaron hain
Aik ur gayi haath se to kiya ghazab hua
Jaante hain is baagh mein titliyaan hazaaron hain