kaafi din ke baad haazir hua hooN, ummed ke aap tamaam
bhai behen ma`al khair hoNgey, jab aaya hooN to khaali haath nahiN aaya hoon aapki qidmat me taaa kalaam pesh kar raha hoon, aap sab ki raika besabri se intezaar rahegaa.<br>*****<br>.<br>
thaam letey woh agar to kyuN phisal jaate miyaaN !<br>
gar ishaara bhi woh kartey, ham sambHal jaate miyaaN !<br>.<br>
phir kabhi aur phir kabhi sey hi bahal jaate miyaaN<br>
jaisey Taltey aaye they hum aur Tal jaatey miyaaN!<br>.<br>
berukhi se kar kinaara dil ko choRaa raah meiN<br>
jaate jaate husn-e-ulfat sey khundal jaatey miyaaN !<br>.<br>
Taqwa-e-moosa-kaleem-ullah tha jo bach gayey<br>
toor par hum jaisey hotey they to jal jaatey miyaaN!<br>.<br>
sirf muskaaney pe dil meiN raQs jaari hogayaa<br>
gar bulaa letey to hum wallah uchal jaatey miyaaN!<br>.<br>
unkey jalwey aatishaaN aur dil hamaara mom kaa<br>
shukr pardey kaa hai warna ham pighal jaatey miyaaN!<br>.<br>
thee nahiN kismat meiN garchey ishrat-o-ayyashiyan <br>
ham kisi soofi ki kiswat meiN hi Dhal jaate miyaaN!<br>.<br>
ashq ka kuch muaamlaa tha unsey aisa vasl par<br>
mai to kuch kehtaa nahiN par yeh ubal jaatey miyaaN!<br>.<br>
husn poora mit chukaa aur ishq yaaN kamzor hai<br>
qabr meiN har aik ke chehrey haiN gal jaatey miyaaN!<br>.<br>
sab karam par \'RaNg\' ne choRaa,amal par kuch nahiN<br>
waisey jannat ke baraabar kya amal jaatey miyaaN!<br>.<br>***